Баткен облусунун 12 айылында жана Талас облусунун 6 айылында таза суу менен камсыз кылган жаңы суу тутумдарынын курулушу толук аяктап, пайдаланууга берилди. Бул тууралуу Айыл чарба министрлиги билдирди.
Маалыматка ылайык, жалпысынан долбоордо Баткенде 43 жана Таласта 17 айылдын жашоочуларын таза суу менен камсыз кылуу каралган.
Баткен облусунда төмөнкү айылдар таза суу менен толук камсыздалды:
- Кадамжай району: Кароол, Майдан, Кара-Жыгач, Кара-Кыштак (Майдан айыл аймагы), Таш-Коргон (Масалиев айыл аймагы), Калача жана Үч-Коргон (эки лот, Үч-Коргон айыл аймагы);
- Лейлек району: Андарак, Сары-Дөбө (мурунку Коммуна), Искра (Сумбула айыл аймагы), Максат (Кулунду айыл аймагы), Жаштык (Жаңы-Жер айыл аймагы).
Ал эми Талас облусунда төмөнкү айылдар камсыздалды:
- Манас району: Майское жана Новодонецкое (Май айыл аймагы);
- Талас району: Кеңеш жана Үч-Коргон (Үч-Коргон айыл аймагы), Көк-Кашат (Жергетал айыл аймагы).
Аталган айылдарда суу алуу жайлары, суу мунаралары, хлорлоочу жабдуулар жана суу бөлүштүрүүчү түтүк системалары курулуп, толугу менен ишке киргизилген.
