2024-жылдын сентябрынан 2025-жылдын июнуна чейин Казакстан 9 миллион тонна дан экспорттоду. Бул өткөн жылдын ушул мезгилине салыштырмалуу 60%га көп. Бул тууралуу Казакстандын Айыл чарба министрлиги «Қазақстан темір жолы» ишканасынын маалыматына таянып билдирди.
Маалыматка ылайык, данды төмөнкү Борбор Азия өлкөлөрү жана жакынкы мамлекеттер сатып алган:
- Өзбекстан — 3,3 млн тонна (+32%);
- Тажикстан — 1,2 млн тонна (+45%);
- Ооганстан — 309 миң тонна (+46%);
- Кыргызстан — 233 миң тонна (+94%);
- Иран — 974 миң тонна (17,5 эсе өсүү);
- Азербайжан — 707 миң тонна (116 эсе өсүү).
«Дан экспортунун өсүшү казакстандык данга сырткы рынокто жогорку суроо-талап бар экенин көрсөтөт»,- деп айтылат маалыматта.
