30-сентябрда Улуттук тарых музейинде Медиамектеп долбоорунун алкагында «Маалыматтык коопсуздук жана жоопкерчиликтүү контент» тренинги болуп өттү. Бул тууралуу Маданият министрлигинин басма сөз кызматы билдирди.

Иш-чара Маданият министрлиги тарабынан уюштурулуп, ага журналисттер, редакторлор, эксперттер жана мамлекеттик органдардын өкүлдөрү катышкан.

Тренингде экстремизмге жана терроризмге каршы туруу, укук бузуулардын алдын алуу жана зордук-зомбулуктан коргоо, ошондой эле балдарды коргоо жана үй-бүлөнү колдоо темалары талкууланган.

Иш-чаранын соңунда жыйынтыктар чыгарылган. Министрлик бул темалар коомдун санариптешүүсү, маалыматтык коркунучтардын өсүшү жана журналисттердин жоопкерчиликтүү, кесиптик иш алып баруу көндүмдөрүн калыптандыруу зарылчылыгы шартында өзгөчө мааниге ээ экенин белгиледи.