Ушул жылдын 5-декабрынан тарта Asman Airlines авиакомпаниясы Алматы-Каракол багытындагы туруктуу түз каттамдарды аткара баштайт. Бул тууралуу «Кыргызстан аэропорттору» билдирди.

Каттамдар жумасына эки жолу, жума жана жекшемби күндөрү учат. Билеттердин баасы 6 миң 500 сомдон башталат.

“Бул багыттын калыбына келтирилиши аймактык авиакаттамдарды өнүктүрүүдөгү маанилүү кадам болуп саналат. Алматы менен Каракол шаарларынын ортосундагы аба каттамы 2010-жылдары жүргүзүлгөнү менен, 1970-жылдардан бери туруктуу рейстер болгон эмес”,- деп айтылат маалыматта.

Жүргүнчүлөр бардык билет сатып алуу жана катталуу процесстерин онлайн режиминде www.asmanairlines.kg сайтынан же Asman Airlines мобилдик тиркемеси аркылуу сатып алса болот.