Бишкек шаарында жана Чүй облусунда 25-27-ноябрь күндөрү айрым көчөлөр убактылуу жабылат. Бул тууралуу КР Ички иштер министрлигинин басма сөз кызматы билдирди.

Чектөөлөр ЖККУнун Коопсуздук кеңешинин кезектеги сессиясын өткөрүү менен байланыштуу киргизилет. Жабыла турган көчөлөр төмөнкүлөр:
— «Манас» эл аралык аэропортуна карай шоссе, Бишкек шаарынын чек арасынан баштап;
— Фучика көчөсү, Бишкек шаарынын чек арасынан Чүй проспектисине чейинки аралыкта;
— Чүй проспекти, Фучика көчөсүнөн чыгышка карай Манас проспектисине чейин;
— Манас жана Чыңгыз Айтматов проспектилери, түштүк багытта «Ала-Арча» мамлекеттик резиденциясына чейин;
— Жусуп Абдрахманов, Ибраимов жана Фрунзе көчөлөрүнүн айрым бөлүктөрү.

Эске салсак, мурда ИИМ коомдук коопсуздукту камсыздоо максатында милиция күчөтүлгөн тартипке өтөрүн, мектептер жана жогорку окуу жайлар убактылуу онлайн окутууга өтөөрүн билдирген.