УКМК төрагасы Камчыбек Ташиев үч эм төрөлгөн үй-бүлөгө эки бөлмөлүү батирдин ачкычын тапшырды. Бул тууралуу атайын кызмат билдирди.

ЖМКлар аркылуу аталган үй-бүлө материалдык абалына байланыштуу турак жай маселесин чечип берүүнү суранган.

Р. Сыргабаев жана анын жубайы М. Калиева 2024-жылдын ноябрь айында үйлөнүшкөн. Алар ушул убакка чейин ижарага алынган батирде жашап келишкен. Үй-бүлө башчысы курулуш объекттеринде жумушчу болуп эмгектенет.

Өлкөдөгү калктын өсүшүн колдоо максатында Камчыбек Ташиев аларга Бишкек шаарынын борбордук бөлүгүндө жайгашкан эки бөлмөлүү батир берди. Үй-бүлө мүчөлөрү көрсөтүлгөн колдоо үчүн ыраазычылык билдиришти..