Президент Садыр Жапаров “2025-жылдын 9-октябрында Бишкек шаарында кол коюлган Кыргызстан менен Сауд өнүктүрүү фондунун ортосундагы “Мамлекеттик мектептерди куруу (II фаза)” долбоору боюнча кредиттик макулдашууну ратификациялады. Мыйзам 2026-жылдын 29-январында Жогорку Кеңеш тарабынан кабыл алынган.

Макулдашууга ылайык, Сауд өнүктүрүү фондунан 50 млн доллар (187,5 млн сауд риалы) өлчөмүндө жеңилдетилген кредит тартылат. Кредит 25 жылдык мөөнөткө, анын ичинде 5 жылдык жеңилдетилген мезгил менен, жылдык 1,5%дык ставкада берилет.

Алынган каражатка төмөнкүлөр курулат:

• Бишкек шаарында 5 жаңы мектеп жана иштеп жаткан мектептерге 7 кошумча окуу корпусун куруу;
• Чүй облусунда 2 жаңы мектеп куруу.

Курула турган мектептер 150дөн 1000 орунга ылайыкталат.