Саламаттык сактоо министринин санариптик өнүгүү боюнча орун басары Темирбек Эркинов ЮНИСЕФтин Кыргызстандагы өкүлү Самман Джунг Тапа менен жолугушуп, саламаттык сактоо тармагындагы кызматташтыкты талкуулады. Анын ичинде вакциналарды сатып алуу, бөлүштүрүү жана иммунизация программасынын натыйжалуулугун жогорулатуу маселелери сүйлөшүлдү.

Жолугушууда ЮНИСЕФтин колдоосу менен республикада муздак чынжыр системасы чыңдалып, адистештирилген муздаткыч жабдуулар менен камсыздоо деңгээли 80%га жеткени маалымдалды. Ошондой эле вакциналарды жеткирүү үчүн рефрижератор-автоунаалар жана автопикаптар берилген.

Негизги долбоорлор жана санариптештирүү:

• Улуттук вакциналык кампа: ЮНИСЕФ жалпы бюджети 1 млн 267 миң АКШ долларын түзгөн улуттук вакциналык кампаны курууну пландап жатат.
• Санариптештирүү: Вакциналарды сатып алуу жана логистика процесстерин башкарууну санарип форматка өткөрүү, жеткирүүлөрдү мониторингдөө системасын бекемдөө жана медициналык ресурстарды эсепке алуу үчүн заманбап маалыматтык чечимдерди киргизүү маселелери каралды.

Мындан тышкары, тараптар 2026–2027-жылдарга карата Биргелешкен иш-чаралар планын даярдоонун алкагында техникалык жана эксперттик колдоону кеңейтүүнү макулдашышты.