Чүй облусундагы Токмокко тойго барган 174 киши массалык түрдө ууланып, ооруканага кайрылышкан. Уулануунун себеби аныкталды.
Лабораториялык анализдердин жыйынтыгы менен ууланууга сальмонеллез инфекциясы себеп болгон.
Токмоктогу «Мегаполис» ресторанында өткөн үлпөт тойго жалпы 256 киши чакырылган. Алардын 174 ууланып ооруканага кайрылып, 78и жаткырылган. Азыркы учурда уулангандардын 10 дагы деле ооруканада дарыланышууда.
Аталган ресторан кемчиликтерди жойгонго чейин жабылды. Мындай чечим Токмок санэпидемстанциясы тарабынан чыкты.
