Транспорт жана жолдор министрлигинин алдындагы Бишкек-Ош жолу боюнча мамлекеттик дирекциясынын жетекчиси жана  «Сосновка», «Кара-Көл» тоннель бекеттеринин башчылары кармалды.  Бул тууралуу Экономикалык кылмыштарга каршы мамлекеттик кызматы (Финполиция)  кабарлады.

Финполиция иликтөө иштерин Транспорт министрлигинин бөлүмдөрүндө аныкталган ири коррупциялык схемага ылайык жүргүзгөн. Анын алкагында министрликтин структуралык бөлүмдөрүнүн 12 жооптуу кызматкери кармалган. Алар казынага алдын ала эсептөөлөр боюнча 20 миллион сомдон ашык чыгым келтиришкен.

Учурда бул коррупциялык схемасына тиешеси бар башка кызматкерлерди аныктоо иштери жүрүп жатат.