Бүгүн, 7-июлда  “Екатеринбург -Бишкек” чартердик каттамы менен 228  кыргызстандык мекенине жеткирилди. Бул тууралуу Тышкы иштер министрлиги билдирди.

Орусиядан кайткандардын тизмесин атайын комиссия түзгөн. Тизмеге төрөтү жакындап калган кош бойлуулар, жаш баласы бар аялдар жана студенттер кирген.

Ошодой эле коронавируска каршы күрөшүү  үчүн ыктыярчы катары кыргыз дарыгерлери менен медайымдары дагы келген.

Ушул эле каттам менен Екатеринбургдагы активисттер жана Башкы консулдуктун кызматкерлеринин каражаттарына алынган жалпы суммасы 4 300 долларлык кычкылтек концентратору, пульсикометр, глюкометр жана жеке коргонуу каражаттар өлкөгө жеткирилген