Ош шаарынын дене тарбия жана спорт комитетинин төрагасы Кылычбек Саркарбаев ээлеген кызматынан бошотулду. Бул тууралуу Ош шаарынын мэриясынан кабарлашты.  

Маалыматка караганда, Мамлекеттик жана муниципалдык кызматкерлердин этикасы боюнча Ош шаардык комиссиясы Саркарбаевди кызматтан алуу боюнча сунуштама берип, анын негизинде иштен алынган.

Белгилей кетсек, 17-декабрда УКМК Кылычбек Саркарбаев аты-жөнүн жасалма документ аркылуу өзгөрткөн, уюшкан кылмыштуу топтун мүчөлөрү менен жакын алакада болгон деп кармаган. 

Кийин Ош шаардык сотунун чечими менен тергөө иштери бүткөнгө чейин 2 айга убактылуу кармоочу жайга киргизилген.