Чүй облусунда изделип жаткан 50 жаштагы Бейшенали Сапаров табылды. Бул тууралуу “Репортёрго” анын жакындары билдирди.

Сапаров бүгүн, 13-майда саат 16:00гө чакын Аламүдүн районунан табылган.

“Кечээтен бери аны көргөндөр кабарлап жатты. Бирок элдер айткан жерге барганда таппай жаттык. Бүгүн кечке жуук аман-эсен табылды”, – деп билдирди жакындары.

Белгилей кетсек, Бейшенали Сапаров 12-майга караган түнү саат 03:00 чамасында Чүй облустук ооруканасынан чыгып кеткен бойдон дайынсыз болуп жаткан.