Жазаларды аткаруу кызматынын мекемелеринде Нельсон Манделанын эл аралык күнү белгиленди. Бул тууралуу ЖАКтан билдиришти.
Маалыматка караганда, иш-чаранын алкагында лекциялар, концерттер, поэзия окуулары жана спорттук мелдештер өткөрүлдү. Аларга кызматкерлер да, соттолгондор да катышты.
Түштүк Африканы демократиялаштыруу үчүн күрөшүүчү 1918-жылы 18-июлда туулган. Бул дата БУУнун Башкы ассамблеясынын демилгеси менен 2010-жылдан бери дүйнө жүзүндө кеңири белгиленип келет. Бүткүл өмүрүн өнүгүүгө жана эркиндикке арнаган зор эмгегин дүйнөлүк коомчулук терең урматтоо менен баалап келет.
Мандела туткундуктун баасын өзгөчө жакшы билген – анткени ал 27 жыл катары менен саясий туткун катары темир тор артында отурган! Ал 1990-жылы гана бошотулуп, үч жылдан кийин Нельсонго Нобель Тынчтык сыйлыгы ыйгарылган. Бир аз убакыт өткөндөн кийин, ал Түштүк Африканын биринчи жергиликтүү президенти болуп шайланган.
2013-жылы Йоханнесбургдун четиндеги үйүндө 95 жашында каза болгон Манделанын тагдырын ар дайым эстеп турушат.
