Бүгүн, 1-сентябрда “Ак-Жол – унаа жолу” өткөрүү пунктунда саат 15:00дөн 18:00гө чейин унааларды жана адамдарды өткөрүү убактылуу токтотулат. Бул тууралуу Чек ара кызматынын басма сөз кызматы билдирет.

Маалыматка караганда, өткөрүү пунктунун иши Тышкы миграцияны эсепке алуунун бирдиктүү тутумунун маалымат базасын жаңылоого байланыштуу токтотулат.

“Кыргыз-казак мамлекеттик чек арасында жайгашкан башка өткөрүү пункттары штаттык режимде иштейт”, – деп айтылат маалыматта.

УКМКнын Чек ара кызматы мамлекеттик чек аранын кыргыз-казак тилкесинен өтүүдө каттамды алдын ала тандап алууга чакырат.

Бардык жаңылыктар Телеграм каналда