АКШда кыргызстандык 28 жаштагы М.Н. полициянын огунан каза болду. Бул туурасында Тышкы иштер министрлиги маалыматты тастыктады.
Маалыматтарга караганда, АКШнын Пенсильвания штатында 5-октябрь күнү жергиликтүү полициянын огунан жараат алып, андан улам каза тапкан. Кыргызстандын АКШдагы элчилиги өлкөнүн Ички коопсуздук министрилигине жана мамлекеттик департаментке окуя туурасында сурам жөнөткөн. Ушул тапта жоопту күтүп жатат.
Маркумдун туугандары сөөгүн Кыргызстанга жөнөтү боюнча документтерин даярдап жатат.
Бул окуя Тышкы иштер министрликтин жана Кыргызстандын Америкадагы элчилигинин көзөмөлүндө.
