Бүгүн, 19-декабрда Т.Абдумомунов атындагы Кыргыз улуттук академиялык драма театрында КРнын эмгек сиңирген артисти Азиз Мурадиллаевди акыркы сапарга узатуу зыйнаты өтүп жатат.

Актёр оорудан улам 17-декабрда көз жумган. Маркумдун сөөгү Ала-Арча көрүстөнүнө коюлат.

Мурадиллаев 1978-жылы Фрунзе шаарында туулган. Мектепти аяктагандан кийин Кыргыз улуттук драма театрынын алдындагы театралдык окуу жайга тапшырган. Кийин 1997-жылы Москвадагы Щепкин атындагы жогорку театралдык окуу жайга тапшырып, аны 2001-жылы аяктаган.

Ошол эле жылы Т.Абдумомунов атындагы Кыргыз улуттук академиялык драма театрына артист катары кызматка алынып, ошол күндөн ушул күнгө чейин үзгүлтүксүз бир жерде эмгектенип келген.

Бардык жаңылыктар Телеграм каналда