Бишкектин четиндеги Ала-Арча капчыгайындагы “Хижина Рацека” альпинисттердин лагеринде бутунан жаракат алган орусиялык альпинист куткарылды. Бул тууралуу ӨКМден билдиришти.

Маалыматка караганда, 12-январда ӨКМге туристтик компаниядан чалуу түшүп, анда Ак-Сай капчыгайындагы “Хижина Рацека” жайында орусиялык Е.Ефремова аттуу альпинист бутунан жаракат алганын билдирген.

Жерине ӨКМдин Авиациялык издеп-куткаруу кызматынын тик учагы саат 13:30да учуп, катуу шамалга карабай, “Рацека” мөңгөсүнөн ары 3800 метр бийиктикке конуп, жабырлануучуну куткарылган.

Турист тез жардам кызматына өткөрүлүп берилди. Учурда абалы канааттандырарлык.

Биздин Телеграм каналга катталыңыз