Уюшкан кылмыштуу топтун мүчөсү, маркум Алманбет Анапияевдин бир тууганы Галмамат Анапияев кармалды. Бул тууралуу УКМК билдирди.
Ал ири өлчөмдөгү алдамчылыкка шектелүүдө.
УКМКнын маалыматы боюнча, Галмамат Анапияев бир жаранга (М.А.) көмүрдү ири өлчөмдө жана арзан баада (тоннасын 1,6 миң сомдон) сатам деп 100 миң долларын алып, алдап кеткен. Ал убадасын аткарбай же алган акчаны кайтарбай жүргөн.
Учурда аталган кылмыш иши боюнча тергөө иштери уланууда.
