Кыргыз Республикасы Евразия мейкиндигиндеги бардык демилгелерди колдоону гана эмес, аларга активдүү катышууну улантууда. Бул тууралуу «Евразия» АКЭУнун төрайымы Алена Аршинова билдирди.
Маалыматка ылайык, Кыргызстан акыркы жылда Евразия тарабынан уюштурулган бардык билим берүү жана маданий долбоорлорго катышты. Мындан тышкары, өлкөдө салттуу баалуулуктар платформасына кошулуу боюнча макулдашуу түзүлгөн. Документке ошол кездеги өкмөт башчы Жапаров кол койгон.
Ошондой эле, эки өлкөнүн ортосунда бирдиктүү билим берүү мейкиндигин түзүү боюнча иштер жүрүп жатат. Анын алкагында кыргыз мугалимдери Россияда, ал эми орус мугалимдери Кыргызстанда иш алып барууда. Россия тарабынан тоолуу, жетүүгө кыйын болгон аймактардагы окуучулар үчүн 100 мектеп автобусу берилгени да белгиленди.
Евразия уюмунун өкүлү бул демилгелердин негизги демөөрчүлөрүнүн бири — Кыргызстандын президенти Садыр Жапаров экенин белгилеп, ал салттуу билим берүү системасын өнүктүрүүгө жана чыңдоого өзгөчө көңүл буруп келерин айтты.
«Кыргызстан менен Россиянын билим берүү кызматташтыгы Евразия экономикалык биримдигине мүчө башка өлкөлөр үчүн да үлгү боло алат», — деп айтылат билдирүүдө.
Мындан тышкары, түрк тилдүү аймактардагы окутуучулардын ортосунда тилдик жана маданий жактан өз ара түшүнүшүү абдан жогору экени белгиленди. Мисалы, башкыр тилинде сүйлөгөн мугалимдерди кыргызстандыктар жакшы түшүнөт жана тескерисинче.
