Ош облусунун Кара-Суу районунун Савай айыл аймагынын башчысы К.М.К (Кыргызбаев Мурат Кыргызбаевич) УКМКнын тергөөчүсүнө пара берип жатканда кармалды. Бул тууралуу УКМКдан билдиришти.
Атайын кызматтын маалыматы боюнча, Кыргызбаев буга чейин Жаңы-Арык айыл аймагынын башчы болуп турганда, кызмат абалын кыянаттык менен пайдаланып, жер тилкелерди үй жана коммерциялык объекттерди курууга мыйзамсыз берген.
Ал тууралуу белгилүү болгондон кийин кылмыш жоопкерчилигинен кутулуу үчүн УКМК кызматкерине 20 миң доллар сунуштаган.
Учурда ал УКМКнын тергөө абагына камакка алынды. Тергөө иштери жүрүүдө.
Мурат Кыргызбаев 2023-жылы 8-февралда Савайдын айыл өкмөт башчысы болуп дайындалган.
