Бүгүн, 27-сентябрда экс-президент Алмазбек Атамбаев, президенттик аппараттын экс-башчысы Фарид Ниязов, экс-депутат Равшан Жээнбеков Биринчи Май райондук сотуна алып келинди.
Сот Кой-Таш окуясы боюнча ишти карап жатат. Буга чейин Алмазбек Атамбаевдин жактоочулары анын ден соолугунун абалынын начарлашына байланыштуу тергөө мөөнөтүнө камактан бошотууну суранышкан. Сот өтүнүчтү четке каккан. Ал No 47 абакта кармалып турат.
Эскерте кетсек, экс -президентти күч менен сотко алып келүү аракети атайын операция менен аяктаган, анын жүрүшүндө УКМКнын кызматкерлери барымтага алынган, ондогон жарандар жаракат алган. Алмазбек Атамбаев эртеси күнү кармалган.
