Ысык-Көл облусунда балдар эс алуучу 100гө жакын жерлер сатылып кетиптир. Бул тууралуу 24-майда Жогорку Кеңештин жыйынында депутат Айбек Осмонов билдирди.
Анын айтымында, каражат мамлекеттик бюджетке дагы түшкөн эмес.
“Биздин балдар каникулга чыкканда Ташкентке, Алматага, Астанага барып эс алып келели деп калышты. Эмне үчүн Ысык-Көлгө, Жалал-Абадга, Арстанбапка же Сары-Челекке баралы дешпейт? Профсоюздар федерациясы балдар эс алуучу жерлерди жеке менчикке сатып жиберишиптир. Ошону дагы иштете турган адамдарга бериши керек эле. Биз барып көрүп келдик, аткана болуп калыптыр” – деди депутат.
Айбек Осмонов бул боюнча тишелүү жетекчилер жооп бериши керектигин айтып, протоколдук тапшырма берүүнү өтүндү.
Биздин Телеграм каналга катталыңыз
