Маалымат түшөр замат, ӨКМ куткаруучулары Кадамжай районунун Бирлик айыл өкмөтүнүн Талды-Булак жайлоосунда чыккан өрттү өчүрүүгө чыгышкан. Бул тууралуу аталган министрликтер билдиришти.
Маалыматка караганда, бүгүн, 17-октябрь күнү аталган жайлоо аянтында райондогу Өрткө каршы куткаруу бөлүмүнөн 10, ӨКМдин Тоо кырсыгынан куткаруу кызматынан 6 куткаруучу жана кошумча күч катары токой чарба кызматынан 15 кызматкер тарабынан кол күч каражаттары менен өрттү өчүрүү иштерин жүргүзүп, тилсиз жоо чектөөгө алынган.
Кеч киргендигине байланыштуу, өрттү өчүрүү иштери эртең, 18-октябрь күнү улантылат.
Биздин Телеграм каналга катталыңыз
