Баткен шаарында аялдын жансыз денеси табылган. Милиция анын өздүгүн аныктоо үчүн коомчулуктан жардам сурайт. Бул тууралуу облустук милициянын басма соз кызматы билдирди.
Маалымтака караганда, 10-январь күнү жаран Ш.А. Баткен ШИИБдин нөөмөт бөлүгүнө уюлдук телефон аркылуу чалып, Баткен шаарынын К.Турмаматов көчөсүндөгү үйдүн ичинде бейтааныш аялдын жансыз денеси жатканы боюнча билдирген. Аталган факты 10-январь күнү Баткен ШИИБдин маалыматтарды электрондук каттоо журналына катталган.
Өзгөчө белгилери: Жашы 45-50 чамаларында, бою 155-165 см, кашы, көзү кара, дене түзүлүшү арык чырай, чачы кыска жана психикалык жактан жабыркаган. Өзүн “Санабар” деп таныштырып жүргөн.
Кийген кийимдери: Үстүндө кара түстөгү узун куртка, кара шым, көк свитер.
“Маркум аялдын өздүгү аныкталбай, туугандары табылбай жаткандыктан ал тууралуу кандайдыр бир маалымат билгендер болсо, Баткен ШИИБге (03622) 5-00-68, 0508 03 16 35 номурлары аркылуу кабарлап коюңуздарды суранабыз”, — деп айтылат маалыматта.
Биздин Телеграм каналга катталыңыз
