Баткендеги окуу жайдан чыккан өрт өчүрүлдү. Бул тууралуу Өзгөчө кырдаалдар министрлигинин басма сөз кызматы билдирди.

Алдын ала маалымат боюнча, Жусупов көчөсүндө жайгашкан Баткен мамлекеттик жогорку окуу жайынан өрт чыккандыгы тууралуу маалымат түшкөн. Өрттү өчүрүүгө саат 13:50дө Баткен шаардык №26 Өрткө каршы куткаруу бөлүгүнөн 1 бөлүм, саат 13:58де 2-бөлүм тартылды.

Өрт өчүрүүчү-куткаруучулардын ыкчам аракети менен жалын саат 14:16да чектөөгө алынып, саат 15:00дө толук өчүрүлдү.

Өрттүн чыгуу себеби жана келтирилген зыян такталууда.