Президент Садыр Жапаров кол койгон жарлыкка ылайык Алымкадыр Бейшеналиев Кыргыз Республикасынын саламаттыкты сактоо министри кызматынан бошотулду. Бул тууралуу өлкө башчынын басма сөз кызматы билдирди.
Башкы прокуратура Бейшеналиевди 2-июнда коронавируска каршы вакцина сатып алуудагы коррупцияга шектелип кармап, УКМКнын СИЗОсуна камаган болчу. Анда ага карата 7 кылмыш иши тергелип жатканы маалымдалган. 16-июнда Бишкек шаардык соту Бейшеналиевди үй камагына чыгарып, иш материалдары Ички иштер министрлигине өткөрүлүп берилген.
Президент Садыр Жапаров тергөөнүн жүрүшүндө Бейшеналиевди кызматтан алган. Анын ордуна 4-июн күнү Саламаттык сактоо министринин милдетин убактылуу аткаруу милдети Жаркынбек Касымбековго жүктөлгөн.
Бардык жаңылыктар Телеграм каналда
