Жогорку Кеңештин депутаты Дастан Бекешев кагазга акча коротпош үчүн эл өкүлдөрүнө планшет алып берүүнү сунуштады. Бул тууралуу ал 13-январда Бюджет, экономикалык жана фискалдык саясат комитетинин жыйынында билдирди.
Жыйында Бекешев колундагы топ кагаздарды көрсөтүп, бир эле депутатка берилген мыйзам долбоорлору жазылган кагаздар үчүн 1 миң сом кетип жатканын, акчаны үнөмдөө үчүн эл өкүлдөрүнө планшет алып берүүнү сунуштады. Ал учурда өлкөдө санариптештирүү жүрүп жатканын, парламент да ага өтүшү керектигин белгиледи.
