Бишкек-Нарын-Торугарт унаа жолунун 500-544-чакырымдарында (Ат-Башы району) катуу бороондон жол жакшы көрүнбөй, оор жүк ташуучу унаалар үчүн кыйынчылык жаралууда. Бул тууралуу Транспорт жана коммуникациялар министрлиги билдирди.
Маалыматка ылайык, катуу шамалдын кесепетинен айрым оор жүк ташуучу унаалардын бош чиркегичтери оодарылган. Учурда аталган аймакта жол тазалоо иштери тынымсыз жүрүүдө.
Министрлик алыс жолго сапар алган айдоочуларды аба ырайынын шартын эске алып чыгууга жана жол эрежесин так сактоого чакырды
