Бишкек шаарынын гүлзарларына жоогазын лампаларын отургузуу башталды. Бул тууралуу мэриянын басма сөз кызматы билдирди.

Маалыматка караганда, жалпысынан быйыл борбор калаанын гүлзарларында 171 миң жоогазын лампасы пайда болду.

Жазында шаардыктар Жаштар аллеясында, Эмен паркында, Пушкин көчөсүндө Курманжан Датканын эстелигинин жанында, Театралдык скверде, Абдылас Малдыбаев атындагы Кыргыз улуттук академиялык опера жана балет театрынын жанында, Абдрахманов/Токтогул көчөлөрүнүн кесилишинде, «Жомок» скверинде жоогазындын кооздугунан күбө боло алышат. Өткөн жазда борбор калаада 160 миң жоогазын гүлдөдү.

Жоогазындар гүлдөп бүткөндөн кийин, лампалар кылдаттык менен казылып, кургатылат жана кийинки күздө гүлзарларга отургузулат.

Биздин Телеграм каналга катталыңыз