Бишкек мэриясы бүгүн, 24-ноябрда, борбор калаага 8 жаңы жана экологиялык жактан таза автобус келгенин билдирди.

Аталган автобустар Европа кайра куруу жана өнүктүрүү банкынын (ЕБРР) «Жашыл шаар» долбоорунун алкагында сатылып алынган 95 автобустун бир бөлүгү болуп саналат.

Буга чейин 20 даана автобус келген. Ал эми калгандары жолдо келе жатканы айтылды.

Мэрия жаңы автобустардын келиши шаардын коомдук транспорт системасын модернизациялоодо маанилүү кадам болуп саналарын билдирди.