Бишкекте бүгүн, 26-ноябрда жүргүнчүлөрдү ташыган №23 автобус менен жеңил унаа сүзүштү. Бул тууралуу мэриядан билдиришти.
Мэриянын маалыматы боюнча, жол кырсыгы Барпы Алыкулов жана Жайыл Батыр көчөлөрүнүн кесилишинде болгон.
Анын айынан 8 адам жабыркаган. Алардын ичинен бешөө автобустун жүргүнчүлөрү, калган үчөө жеңил унаада келе жаткан.
Окуя жерине кайгуул кызматкерлери чакырылган.
