Бишкектин так ортосунан автомат менен шаар тургунун коркуткан адам кармалды. Бул тууралуу шаардык милиция кабарлады.

Маалым болгондой, 31-август күнү бир адам милицияга кайрылып, “Toyota Land Cruiser-200» үлгүсүндөгү автоунаанын айдоочусу автомат кезеп, орой сөздөр менен коркутканын айткан.

Криминалдык милициясынын ыкчам-иликтөө иш-чарасынын алкагында, бул окуяга шектүү катары 28 жаштагы адам кармалды.

Анын автоунаасын тинтүү учурунда МА-АК үлгүсүндөгү аңчылык мылтык, Калашников автоматына окшоштуруп жасалган курал жана 50дөн ашык ок-даары жана магазиндер табылган.

Бул факты кылмыштар менен жоруктардын бирдиктүү ресстрине катталып, кармалган адам тергөө абагына киргизилген.