25-ноябрдан 1-декабрга чейин Бишкекте 3 миң 925 жол эреже бузуу аныкталды. Бул тууралуу Милициянын кайгуул кызматынан билдиришти.

Алардын ичинен:

— айдоочулук күбөлүгү жок унаа башкаргандар – 35,

— унаа каражатын каттоо тартибин бузуу – 221,

— жол эрежесин бузган велосипедчен адамдар жана жөө жүргүнчүлөр – 41,

— унаасынын айнегин караңгылатып алгандар – 15,

— мас абалында унаа башкаргандар – 64,

— мотошлем же коопсуздук курун колдонуу эрежесин бузгандар – 488,

— башка жол эреже бузуулар – 2 миң 593.

Ошондой эле 689 унаа айып аянтчасына токтотулган.

Милициянын кайгуул кызматы айдоочуларды жол эрежесин сактоого чакырат.

Биздин Телеграм каналга катталыңыз