Бишкек шаарында чөнтөк уурулукка шектелген жаран кармалды. Бул тууралуу Ленин райондук милициясынын басма сөз кызматы билдирди.

Маалыматка караганда, 21-февралда милицияга О.У. аттуу жаран кеайрылып, 20-февралда Киев менен Бейшеналиева көчөлөрүнүн кесилишинде, белгисиз жаран кийиминин чөнтөгүнөн 25 миң сомдук Redmi NOTE 10 PRO телефонун уурдап кеткенин билдирген.

Бул фактыга байланыштуу Кылмыш-жаза кодексинин 205-беренеси (Уурдоо) боюнча кылмыш иши козголгон.

Ыкчам-тергөө иштеринин натыйжасында шектүү катары 38 жаштагы У.Б. аттуу жаран кармалып, камакка алынган.

Милиция шектүүнүн кылмыштуу каракетттеринен жабыр тарткан же кандайдыр бир маалыматы бар жарандарды 0704 433 666, 0508 778 977 же 102 номерине кабар берүүсүн суранат.

Биздин Телеграм каналыбызга катталыңыз