18-19-апрель күндөрү Бишкекте Textile & Logistic Fair 2025 аталышындагы эл аралык чоң жарманке өтөт. Бул тууралуу Соода-өнөр жай палатасы кабарлады.
Жеңил өнөр жай тармагындагы өндүрүүчүлөр, ишкерлер, байерлер жана сатуучулардын башын бириктирген жарманкеде тажрыйбалуу ишкерлер сөз сүйлөйт.
Катышуучу спикерлердин арасында «Дордой Страхование» ишканасынын башкы директору Бакай Акматов, Ozonдун Кыргызстандагы коммерциялык директору Асел Тургунбекова, Wildberriesтин Кыргызстандагы директору Ксения Школьникова бар.
Жарманке борбор калаанын К.Кожомкул атындагы Спорт сарайында саат 10:00дө башталат.
