Эртең, 8-апрелден тарта “Asman Airlines” компаниясы Бишкек – Хужанд (Тажикстан) эл аралык каттамын туруктуу ишке киргизет. Бул тууралуу “Кыргызстан аэропорттору” мекемесинин басма сөз катчысы Алена Хоменко «Фейсбук» баракчасында билдирди.

Каттам ар жуманын шейшемби күндөрү каттайт. Билеттин баасы 8 миң сомдон башталат.

Белгилей кетсек, 13-мартта Эмомали Рахмондун Кыргызстанга болгон сапарынын алкагында эки өлкөнүн өкмөттөрү кыргыз-тажик аба каттамдарын жандантуу боюнча келишимге кол коюшкан.