Бишкекте 1-декабрдан тартып кинотеатрлар, компьютердик клубдар жана соода борборлорунун ичиндеги коомдук тамактануучу жайлар (фуд-корт) ачылат. Бул тууралуу шаардын вице-мэри Айжан Чыныбаева брифинг учурунда айтты.

Анын айтымында, ишин жанданта баштаган  мекеме-ишканалар санитардык-эпидемиологиялык жана башка талаптарды сакташы керек.

Вице-мэр ошондой эле, массалык иш чараларды өткөрүүгө азырынча уруксат берилерилбей турганын айтты.

Белгилей кетсек коронавирус өлкөгө келген март айынан бери 72 миңден ашык адам бул илдетти жуктуруп алып, 64 миңден ашыгы кайра ооруну жеңип чыккан. Ал эми 1271 адам илдеттин курмандыгы болгон.