Бишкекте куткаруучулар өз өмүрүн кыюуга аракет кылган адамды сактап калышты. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, куткаруучуларга кечээ, 9-декабрда эртең менен Логвиненко көчөсүндөгү көп кабаттуу үйлөрдүн биринде 33 жаштагы адам өз жанын кыюуга аракет кылып жатат деген маалымат түшкөн.
Окуя болгон жерге барган ӨКМнын кызматкерлери сүйлөшүүлөрдүн натыйжасында эшигин ачтырып ал адамды аман алып калышкан.
