Бишкекте Кытайдын Чжэцзян провинциясынан келген ишкерлер менен Кыргызстандын ишкерлеринин бизнес жолугушуусу болуп өттү. Бул тууралуу Соода-өнөр жай палатасы билдирди.
Иш-чара өнөр жай кооперациясын өнүктүрүү, түздөн-түз ишкердик байланыштарды түзүү максатында уюштурулган. Жолугушууда тараптар ортосунда тажрыйба алмашылып, ишкердик байланыштар түзүлгөн.
Соода-өнөр жай палатасынын вице-президенти Нурлан Нартаев иш-чарада сөз сүйлөп, өнөр жай өнөктөштүгү, биргелешкен инвестициялык долбоорлор, интеллектуалдык менчикти коргоо жана өндүрүштүк альянстарды түзүү жаатындагы Кытай менен экономикалык байланыштарды кеңейтүүнүн маанилүүлүгүн белгилеген.
