Бишкекте автобус-троллейбуста жол кирени накталай төлөгөндөр үчүн бааны көтөрүү сунушталууда. Бул тууралуу Reporter.kg’ге Транспорт департаментинин директорунун орун басары Бакытбек Сарымсаков билдирди.
Анын айтымында, накталай төлөм үчүн жол кирени 40 сом кылуу пландалууда. Ал эми накталай эмес, карта менен төлөгөндөр үчүн баа 17 сом бойдон калат. Аны менен бирге алар бир жолу 17 сом төлөп, 90 мүнөттүн ичинде 3 автобуста акысыз жүрө алат. Бул жеңилдик накталай төлөгөндөргө тиешелүү эмес.
Азырынча бул демилге коомдук талкууга чыгарылды.
