Кечээ, 1-майда Бишкектин Раззаков жана Пушкин көчөлөрүнүн кесилишинде оюн-зоок поезди 20 жаштагы жаранды сүзүп кетти. Бул тууралуу Бишкек шаардык милициясы кабарлады
Окуя болжол менен саат 20:30 чамасында болгон. Анда 49 жаштагы О.М. аттуу жаран “Golf-car” балдардын оюн-зоок поездин айдап бара жатып, электросамокат башкарып бара жаткан 20 жаштагы Ж.Б. менен сүзүшкөн.
Натыйжада, электросамокаттын айдоочусу жаракат алып, тез жардам менен ооруканага жеткирилген.
Аталган окуя каттоого алынып, бардык экспертизалар дайындалган.
