Ысык-Көлдүн Тоң районундагы Эшперов айылынын №7 бала бакчанын директору Аида Жаңыбаева «КМШдагы мыкты педагог» эл аралык сынагында биринчи орунду ээледи.

Агартуу министрлигинин маалыматында, сынактын жыйынтыктоочу баскычы 24-мартта Астана шаарында өттү. Ага Борбор Азия өлкөлөрүнүн педагогдору катышты. Аида Жаңыбаева 7-февралда башталган биринчи турдан өтүп, экинчи баскычка жолдомо алган.

Мелдештин жыйынтыгында кыргызстандык педагог I даражадагы диплом, төш белги жана «КМШдагы мыкты педагог» статуэткасы менен сыйланды.