6-апрелде Бишкек шаарында жазгы велосезондун ачылышы өтөт. Бул тууралуу шаар мэриясы кабарлады.
Сезондун ачылышына байланыштуу веложүрүш өткөрүлөт. Ал саат 10:00дө Д. Асанов атындагы Жеңиш паркында башталат. Каттоо ошол жерде 09:00дөн 10:00гө чейин жүргүзүлөт. Жүрүштүн жалпы узундугу 5,5 кмди түзөт.
Иш-чарага байланыштуу көрсөтүлгөн күнү А. Масалиев проспектинин Байтик Баатыр көчөсүнөн Чортеков көчөсүнө чейинки түндүк тарабы автоунаалар үчүн убактылуу жабылат.
