Бишкек шаарынын Биринчи Май районундагы Юбилейная көчөсү менен Түндүк айланма жолдун кесилишинде жаңы мал базардын курулушу аяктап жатат. Бул тууралуу шаар мэриясы кабарлады.

Маалыматка ылайык, базардын аянты 4 гектарды түзөт. Ал 1 миң 500 бодо малды жана 6 миң майда малды кармоого ылайыкталган.

Учурда аталган аймакта чарбалык сарайлар тургузулуп, аянты 360 чарчы метр болгон заманбап ашкана жана мал союучу жайды куруу иштери жүрүүдө.

Жаңы базардын ачылышы 6-сентябрга белгиленген.

“Бүгүнкү күндөн баштап мал базардын сатуучулары жайгашып, акырындык менен жаңы аймакка көчүп келе алышат. Учурда Пригородный базары толугу менен көчүп, «Жантай», «Эски толчок», «Расул-Ата» жана башка базарларды көчүрүү иштери уланууда”,- деп билдирди мэрия.