Бишкекте алдамчылыкка шектүү жаран кармалды. Бул тууралуу Ленин райондук милициянын басма сөз кызматы билдирди.
Маалыматка караганда, 10-октябрда милицияга А.К. аттуу жаран кайрылган. Ал арызында билдиргендей, шаардагы компаниялардын биринин Э. аттуу менежери компаниянын дилерлеринин (товарды дүңүнөн алып, чекене саткандар) ишенимине кирип, 13-сентябрдан 10-октябрга чейин сатылган кафелдердин акчасын компаниянын эсебине эмес, өз эсебине котортуп алган. Жыйынтыгында 603 миң сом зыян келтирилген.
Аталган фактыга байланыштуу Кылмыш-жаза кодексинин 209-беренеси (алдамчылык) боюнча кылмыш иши козголгон.
Ыкчам-тергөө иштеринин натыйжасында шектүү катары 37 жаштагы Э.А. аттуу жаран кармалган. Шектүү тергөө кызматына жеткирилип, убактылуу кармоочу жайга камакка алынган.
Учурда иликтөө иштери уланууда.
Биздин Телеграм каналга катталыңыз
