Бишкектин Ч.Айтматов көчөсүндө кечээ, 23-мартта саат 22:20лар чамасында «Тойота Ландкрузер» үлгүсүндөгү унаанын айдоочусу жөө жүргүнчүнү сүзүп кеткен. Бул тууралуу Милициянын кайгуул кызматынан билдиришти.
Маалыматка ылайык, 65-70 жаштагы жөө жүргүнчү жолго чыга калып, кырсыкка кабылган. Ал окуя болгон жерден каза тапкан.
Учурда унаа айып аянтчасына токтотулган. Тиешелүү экспертизалар дайындалып, окуянын себептери аныкталууда.
