«Бишкексельмаш» жылуулук электр борборун түрк компаниясы курат. Бул тууралуу муниципалитет билдирди.

Бүгүн түркиялык “Алтай Энержи” компаниясы менен инвестициялык макулдашууга кол койду.

Жылуулук кубаттуулугу 240 МВт жана электр кубаттуулугу 100 болгон борбордун курулушуна катышкандардын  50%ын кыргыз жарандары түзөт.

Бишкек мэриясы инвестициялык келишимдин баасын ачыктаган жок.

“Алтай Энержи” 1989-жылдан бери электромонтаждоо жаатында иш алып барат.

Буга чейин «Бишкексельмаштын» аймагында кичи ЖЭБ курулары айтылган. Анын кубаттуулугу 150 МВт болот. Курулушка 147 миллион доллар талап кылынары кабарланган.