Бишкек шаарынын мэри Азиз Суракматов кызматка кайтып келди. Бул тууралуу шаардык мэриядан билдиришти.
Интернетке жарыяланган видеодо, ал кызматка кайтып келгенин ырастап, шаарда тартипти орнотууга даяр экенин айткан.
“Азыр шаарда абал оор болуп, COVID көбөйүп жатат. Жылуулукту да бериш керек. Морадерлук күч алды. Мына ушунун бардыгын азыр вице-мэрлер менен чогулуш өткөрүп, шаарда тартипти орнотобуз”, – деди Суракматов.
Азыркы тапта Бишкек шаарынын мэриясынын имаратынын алдында 200гө жакын адам чогулуп турат. Алар Азиз Суракматовдун кызматын улантышын талап кылышууда.
Белгилей кетсек, 7-октябрда Азиз Суракматов шаар бийлигин убактылуу жетектөөнү расмий түрдө Бишкек мэриясынын вице-мэри Алмаз Бакетаевге өткөрүп берген.
