Дзюдо боюнча Азия оюндарынын жеңүүчүсү, дүйнө чемпионатынын коло байге ээси Эрлан Шеровго Бишкектен батир белек кылуу сунушталууда. Мэриянын тиешелүү токтом долбоору Бишкек шаардык кеңешинин кароосуна киргизилди.
Дзюдочуга турак жай Бишкектеги олимпиадалык резерв спорт мектебинин тарбиялануучусу катары спортто жетишкен жетишкендиктери үчүн берилгени жатат. Спортчунун өзүнүн батири жок экени айтылат.
Шеров ала турган батир Тунгуч кичирайонунда жайгашкан.
Эскерте кетсек, Эрлана Шеров — Кыргызстандын тарыхында Азия оюндарында алтын уткан, дүйнө чемпионатында коло медаль тагынган биринчи дзюдочу. Ал быйыл Париждеги Олимпиада оюндарына катышат.
Тарых жаратты! Дзюдочу Эрлан Шеров дүйнө чемпионатында коло утту
